Habitante di Nuñe 10-B ta basta preocupa p’e caminda cu ta conecta cu e casnan den e bario ainda ta di santo. Esaki ta debi cu cada bes awa cay, e caminda ta bira malo. Ta percura pa tapa e buraconan, pero na momento cu awa cay un biaha mas e dia siguiente no tin santo.
Door di e situacion aki Cesar “Delo” Maduro, kende ta biba na Nuñe, ta haci un denuncia publico p’esaki. El a indica cu e situacion aki ta no ta sigur y peligroso p’e habitantenan.
E kier pa esnan concerni di DOW of di e Ministerio di Infrastructura pa atende e situacion aki. Diferente accidente chikito a pasa eynan.
Tambe hende ta daña nan auto eynan y no ta haci e bario sigur. Loke nan ta sinti un tiki discriminatorio ta cu diferente parti di bario a haya asfalt pero nan si no a haya. Nan a sinta warda ki ora ta yega nan turno pa haya e asfalt cual no a pasa y pa es motibo ey kier sa ki dia lo asfalta caminda pa nan. Tres biaha a colecta firma, a manda carta pa diferente gobierno, a pidi ministerio di infrastructura di diferente gobierno pa pone asfalt.
Un biaha mas door di e yobida, un otro bisiña a yuda yena e caminda mientras cu Maduro a paga pa nivela e caminda di tera. E habitantenan a uni pa por tin contacto cu otro pa tene siguridad di e bario, p’esey mantencion di e caminda ta den nan plan. Autonan ta pasa duro, p’esey a manda carta pa drempel, pero no ta haya oido. Den diferente bario a surgi e problema aki, pero a haya solucion pa nan p’esey nan kier pa soluciona esaki.