Tras e detencion di dr. Kawaiah diamars anochi, e parlamentario di partido Movimiento Electoral di Pueblo (MEP), Arthur Vallejo a comparti su opinion riba media social indicando cu e cupula di poder y faboritismo den departamento dental di AZV a keda exponi. TREMPAN a acerca e parlamentario pa e por a amplia su punto di bista den cual el a califica di “hopi preocupante con algo asina por a sosode” referiendo no solamente na e falta di verificacion di estudio, pero tambe con a maneha kehonan entrega di parti di pashentnan. Den su post e ta argumenta cu “Despues di 9 aña den posicion na AZV ta ora pa cambio.”
Vallejo a participa diaranson atardi den un reunion di Comision Central di Salud riba e tema di malesanan cronico. Na su salida, el a duna declaracion bisando cu e caso di dr. Kawaiah ta crea un precedente di contrata un persona pa un specialidad cu e no tin. “Pa mi, esey ta hopi delicado,” el a bisa. “Esunnan cu mester a investiga; pa haci nan trabou finalmente pa haya sa cu definitivamente e persona aki no tabatin su diploma di specialista.”
E post riba e pagina su pagina personal di Facebook ta bisa lo siguiente: “Caso lamentabel na Aruba di Dentista cu certificado pero no estudio di specialidad di “Ortodoncista” lamentabel ta expone cupula di poder y faboritismo den departamento dental di AZV.
Pa e relato completo, lesa TREMPAN
