Diasabra anochi alrededor di 8:30 pm a sosode un accidente na Seroe Blanco caminda un Nissan Skyline y un Daihatsu Terios lo a dal den otro. Den e Terios tabatin un mucha cu a resulta herida.
E mucha tabata mustra spanta y e tabata keha di dolor na pecho y cabes. E chauffeur di e Skyline tambe tabata keha di dolor na pecho. Ta bon pa remarca si cu unidad di polis a haci un test di alcohol y a pidi transporte pa hiba e chauffeur warda.
Sinembargo, el a opta pa bay cu ambulance. No ta descarta cu e por a bay cera debi cu e tabata bou di influencia di alcohol. Ambos vehiculo a ricibi daño material considerabel.