Dia 15 di maart proximo, e pueblo Boneriano lo bay urna electoral p’asina scoge e proximo miembronan di Eilandsraad.
Un di e partidonan cu ta bay eleccion ta 1 Union pa Pueblo, cu ta un partido sociaal democraat. Su lider, Aljano Emerenciana a bisa cu nan partido ta uno cu ta para pa esunnan di menos recurso y nan kier traha pa adelanto y desaroyo di nan isla. Despues di e desmantelacion di Antia Hulandes na october 2010, Boneiro a drenta un statust nobo. A priminti Boneiro cu e status nobo cu nan a drenta den dje, lo no cambia nada, pero ta un tiki autonomia so nan ta perde. Pero e ta keda mescos cu tempo di Antia. Loke a cambia ta cu a cambia Willemstad pa Den Haag. Motibo di esaki ta cu ora cu a cambia, Boneiro no tin representacion mas na Den Haag.
Es decir, ora cu nan tabata den Antia, nan tabata tin tres miembro di Staten,unda cu nan tabata por a nombra un minister pa forma e Gobierno. Pero awendia, e isla no tin representacion y Hulanda ta ‘wheel and deal’, ta atende cu e isla no a un manera no corecto, cu ta causa un disgusto grandi cerca e poblacion. Na 2015, e pueblo a bay referendum y a mustra un NO rotundo contra di e maneho di Hulanda.
Emerenciana a bisa cu un Gobierno no tin vision ni direccion ni carson bisti pa atende cu e Hulandesnan, ta laga e pueblo, hunto cu oposicion cu ta consisti di Partido Demokrat, cu tres asiento y M21 cu un asiento, cu hunto ta forma cuater asiento den oposicion, ta laga un Gobierno sigui maltrata, abusa y castiga pueblo. Awendia e casnan ta impagabel.
