Diaranson atardi Brazil Taekwondo Stichting a subi caya pa entrega T-Shirt di e 6K Fun Walk and Run di dia 25 di Augustus na algun miembro di Prensa. E 6K Fun Walk and Run aki ta pa celebra 25 aña di existencia di Brazil Taekwondo Stichting.
Un idea unico cu a nace durante un reunion di Brazil Taekwondo Stichting pa haci cos practico, diferente y unico. Un team dinamico cu a pone man hunto pa asina yega na e ideanan aki pa haci tur cos posibel. Brazil Taekwondo Stichting tabata organisa Walk and Run den pasado caba. Brazil Taekwondo Stichting semper a recauda fondo pa e team di Train Hard Fight Smart por participa den eventonan Internacional representando Aruba.
Pa por yega na fondo mester organisa diferente actividad. E caminata di diadomingo awo ta danki tambe na prensa cu semper a kere den Brazil Taekwondo Stichting y cu ta duna sosten grandi na Brazil Taekwondo Stichting su team di Train Hard Fight Smart. Otro siman e team ta biaha pa Costa Rica pa participa den e di XII Costa Rica Open. Diabierna dia 23 di Augustus por registra y busca T-Shirt un biaha mas na Centro di Bario Brazil for di 5’or di atardi pa 9’or di anochi un y tur ta mas cu bon bini pa pasa registra pa no keda afo.
