Awe diadomingo anochi pa mas o menos 11:20PM a sosode un accidente na Madiki, net dilanti di New Star Supermarket. Un chauffeur femenino burachi manehando un marca Toyota color blauw modelo Vitz (RHD) numera A-18108 a dal den un palo di luz.
E dama no a resulta herida. A laga e bario completo sin coriente. E palo di luz parti abou a ricibi daño. E auto mes a ricibi basta sla parti dilanti. El a dal den un auto para dilanti un cas. E habitante a conta cu e dama a ofrece cu e mes lo paga tur cos, pero no a acepta e oferta aki di un hende bebi.
A transporta e sospechoso pa Warda di Polis caminda e proceso penal lo tuma luga. Mientrastanto empleadonan di NV Elmar a presenta na sitio pa atende cu e palo di luz y cu coriente, mientras cu empleadonan di Setar NV tambe a presenta pa atende ci Cable y internet cu tambe a cay afo debi cu kabelnan ta core riba e mesun palo di luz aki.