Awe diadomingo pa mas o menos 10:45PM a sosode un accidente frontal riba e caminda di Shaba, net dilanti di Do It Center. Un auto marca Chevrolet color shinishi numera A-198 a dal den un Hyundai hatchback color blauw scur numera A-183683.
Chauffeur di e Chevrolet a conta nos cu e tabata biniendo for di Tanki Flip direccion Shaba y e Hyundai tabata biniendo den su direccion, el a purba hala p’e pero no a logra. A cera ambos banda di caminda pa desvia trafico y pa cuminsa investiga. Specialista di trafico di Polis tambe a presenta na e sitio.
Ambulance a transporta e chauffeur di e Hyundai pa Hospital pa atencion medico avansa. Chauffeur di e Chevrolet tabata stabiel riba su pianan pero pa siguransa a pidi ambulance check’e na e sitio.
