Alan Howell (POR): Mi no tabata sa di e asuntonan treci padilanti awo den parlamento

4768

Vice-presidente di Parlamento, Alan Howell di POR a bisa ayera nochi despues di e reunion largo den Parlamento cu Minister Marisol Lopez-Tromp, cu e informacionnan cu a bin padilanti den e reunion, cu e nunca a tende di nan.

Ta importante pa den Parlamento, pa e minister tin tur e pleno derecho di por duna su banda di medaya cu lastimamente tin cu bisa, cu mester a bin den Parlamento pa scucha tur loke cu e minister mester a splica, cu lamentablemente no tabatin e informacionnan aki mas tempran.

POR cu mensahe na MEP y RED: Sea Minister Marisol Lopez ta bay cas of henter Gobierno ta bay cas awe!

POR cu mensahe na MEP y RED: Sea Minister Marisol Lopez ta bay cas of henter Gobierno ta bay cas awe! Click link pa mas https://24ora.news/2XgQ8q3

Posted by 24ora on Friday, July 31, 2020

Mirando e situacion caminda cu e minister a bin ta duna informacion, cu cierto declaracionnan cu den su concepto tin di haber cu fraude of cu corupcion of con e mes kier a describi’e, ta importante tambe pa por a haya e informacionnan corecto di loke ta trata di e parti di gobierno.

Gobierno tambe a manda un señal den ministerraad cu tin shete minister a dicidi di a firma pa kita e cartera y ta manera cu Howell a splica, pa sea tin un gobierno of no tin un gobierno. Si no trece e paz aki, loke ta pasando entre e minister en cuestion, fraccion di POR y tambe cu ministerraad, lo no por tin un gobierno.

Gobierno no por goberna asina aki. Pesey Howell ta contento cu minister Marisol L:opez-Tromp a tuma e peticion pa bay sinta cu prome minister pa nan bay tambe den nan seno di ministerraad, pa por scucha tambe cu si tin ministernan ta dispuesto pa bin duna di nan banda y vocifera kico nan ta come y bebe den ministerraad y asina por tin un claridad di no solamente kico ta e opinion personal di cada parlamentario, ta importante tambe pa scucha e version di e ministernan cu ta forma parti di e gabinete.

Howell ta satisfecho cu e presidente a duna e parlamentarionan oportunidad, pa laga e minister bay atende cu prome minister y na mesun momento busca e forma pa por haya mas claridad di parti di e ministernan, muy specialmente esunnan cu e minister a papia di dje y tambe e ministernan tambe cu a firma pa kita e cartera.

Loke pueblo kier mira ta claridad den tur sentido y minister tabata habri den su ponencia di kico el a bin topa segun su persona.

Pesey tabata den parlamento pa trata na un manera transparente pa scucha kico ta pasa. Tin cu menciona si cu lastimamente cu te awo tin cu bin scucha e version cu e minister a bin duna diabierna den Parlamento. Ta spera cu na memento cu e prome minister sinta cu minister Marisol Lopez-Tromp, nan por sali tambe for di esaki. Parlamento lo scucha kico ta e diferencianan di opinion cu tabata tin robes y cu a trece cualkier clarificacion y trankilidad y paz na Aruba.