Lider di Fraccion di POR den Parlamento, Dellanire Maduro, despues di e reunion largo ayera den Parlamento ta haya cu awor paz mester prevalece den nos pais. E hoben politico ta haya cu ta importante pa duna espacio pa absorba e asuntonan nobo cu a sali padilanti.
Hopi informacion, cu sigur como lider di fraccion di POR, e nunca a tende di esakinan prome, pues ta importante pa sa kico ta berdad, kico no ta berdad y tambe e parti di e otro ministernan, cu tin un impasse cu minister Marisol Lopez-Tromp. Hecho ta cu varios acusacion serio a mira luz di dia, specialmente di corupcion pisa den Serlimar y den DIP.
Ta importante pa tuma un decision, ora cu ta bisa cu ta presenta un mocion di desconfiansa pa un minister. Pesey a haci un apelacion na final pa wanta e reunion pa por sigura cu ta tuma decision riba hechonan concreto y berdad. Awor aki, cu tanto informacion cu a bin padilanti, a bira dificil pa por fiha un posicion.
Dellanire Maduro ta contento cu e minister a presenta pa asina Parlamento por a haya informacion.
