Daphne Lejuez, parlamentario independiente a duna su prome reaccion despues di e reunion di diabierna. E mes a keda hopi sorprendi di e resultado cu a schors e reunion.
E ta pensa cu minister Marisol Lopez-Tromp a priminti cu den segunda tanda e lo bay expande mas y muy en particular di mas caso di corupcion, por ehempel na DIP.
Tabata realmente hopi importante pa Parlamento haya sa. Ta duel Lejuez cu no por a sigui cu esaki, pero ta compronde di esnan cu a pidi e reunion a schors esaki.
Pero si di berdad cu kier a bay den mediacion, pa por termina e reunion, bay den mediacion, den bon ambiente y despues bolbe yama e reunion bek, acaso cu si mester haci’e di nobo.
E schorsing no tabata e miho manera pa bay. Pero di un otro banda, pueblo di Aruba a haya e chens pa haya sa realmente kico ta pasando, kico a tuma luga y tin hopi mas cu a tuma luga.
Ta spera cu den e proximo dianan cu e minister por bin parlamento y caba cu su storia, por ta den un otro setting.
Mas prueba
E minister a indica cu e lo bin cu mas prueba, mas caso di corupcion y mas nomber. Segun Daphne Lejuez, como Parlamentario e ta haya hopi lamentabel cu no por a caba di scucha e resto di e disertacion di e minister y kico tur mas por a trece na mesa.
Por haya e oportunidad, manera cu sigui traha pa por yam’e bek pa Parlamento y por duna e splicacionnan aki na nan.
