Diahuebs merdia, pa mas o menos 12:15 pm, polis a bay direccion di e rotonde di Tarabana pa un accidente.
A bin resulta cu un SUV Chevrolet Trax LT, bayendo direccion abao, no a logra brake na tempo y a bira dal tras di un Toyota Camry cu tabata su dilanti.
Un of mas ocupante di e Camry a sali rabia y a baha riba e chauffeur di e Chevrolet. Ta bon mes cu polis a yega lihe prome cu e situacion a escala.
A pesar cu e daño tabata minimo, ambulance mester a presenta pa asina duna asistencia di un di e ocupantenan, un pasahero femenino, cu tabata keha di dolor di nek.
Despues di esey a hib’e pasahero hospital pa haya tratamento medico avansa.
