Diaranson Grant Thornton Aruba a lansa nan plataforma di educacion cu ta “Learning & Development Academy”. Cu e plataforma aki ta engrandece conocemento di comunidad, specificamente den e parti di belasting.
Edsel Lopez, partner di Grant Thornton Aruba, a informa cu nan ta sumamente orguyoso cu e lansamento di e plataforma aki. Di e forma aki nan kier contribui na engrandecemento e conocemento di e comunidad di Aruba, specificamente riba e teranan di tax, cifra, con pa lesa jaarrekening, of riba tereno di leadership of recurso humano. Grant Thornton Aruba ta pensa door di brinda esaki na comunidad di Aruba en general, nan ta kere cu por yuda na contribucion di laga mas hende participa y asina conocemento riba e topiconan importante y interesante lo bira mas grandi aki na Aruba. Asina mas hende por sa mas cos riba tereno mas specifico. Tur hende sa cu e parti di belasting ta un topico hot aworaki, pero tambe riba tereno financiero como leadership.
Grant Thornton ta kere cu e setting scogi, cu ta un di “small room”, ta bay tin mas intercambio entre e participantenan, mas comparimento di conocemento entre nan cu nan y esey ta contribui pa mira con otro comerciante of individuo a resolve of tin idea con pa trece cambio, con a resolve nan problemanan incluso con ta mira cierto cos. Asina ta haya un otro dinamismo cu ta haya den un webinar. Awo cu Covid ta casi pasa, ta kere cu e set up cu tin awo ta esun ideal, chikito y agradabel pero asina mes di tal forma cu bo por haya hopi bon intercambio. Lopez ta sumamente contento dje team di Grant Thornton Aruba di a logra haci esaki den un periodo cortico. Tambe nan ta entusiasma pa lansa esaki p’e comunidad di Aruba.
Lance Henriquez, tax manager di Grant Thornton, hunto cu su coleganan ta bay brinda e cursonan riba topico di belasting p’e “Learning & Development Academy” lansa y no miho momento cuminsando cu e reforma fiscal cu ta un topico hot. E dianan di curso ta 15 y 16 proximo, y si ta necesario, ta planea un extra pa dia 17 di maart. Aki ta bay cubri den extenso tur reforma cu ta na caminda den e prome fase cu ta drenta na vigor dia prome di januari 2023. Ta invita henter pueblo pa participa den e “Learning & Development Academy”.
Sheba Shookoo, manager di academia, ta responsabel pa coordina tur programa di enseñansa. E ta sumamente entusiasma, pasobra esaki ta su pasion. Nan kier uza nan experencia y conocemento pa comparti cu henter comunidad. E academia tin un programa di training cu ta na caminda y esey ta “Introduction to financial statements for non financial professionals”. E training aki tabata crea y diseña pa personanan cu no tin un background di financia.Segun Shookoo, ta kere cu ta di importancia pa comparti conocemento cu tur hende, kende no tin experencia den financial statements. Basicamente e training ta mustra bo con pa interpreta declaracion financiero. Como cu tin cupo limita, nan a prepara dos sesion separa dia 3 y 4 di mei. E sesion lo dura tres ora y ta costa 200 dollar pa participa. Pa mas informacion por bay riba nan website.
Shelby Maduro, senior manager advisory y insurance, a splica cu den e academia aki su persona lo enfoca riba e habilidadnan cu cada empleado of cada persona mester tin. Asina aki nan por funciona den un organisacion. Aki por pensa riba habilidad con pa maneha conflicto, con ta bay om cu tempo, emocional intelegance y con pa duna bek feedback na un colega of empleado di bo. Esaki ta un di e topiconan cu “Learning and Development Academy” lo bin cu ne.
Segun Maduro, nan lo bay riba e tema di “Talking about performance with you employee”. E training aki lo tuma luga dia 19 y 20 di april y costo ta 200 dollar pa persona. Tambe por sigui nan riba website y registra p’e curso aki.
