Awe merdia pa 2:10pm a manda Polis pa atende aglomeracion na San Nicolas Seventh-Day Adventist Church situa den Dr. Schaepmanstraat na San Nicolas. Ey Polis a topa un famia den hopi tristesa y dolor, dispidiendo di un ser keri cu a fayece. E defensornan di ley a consola nan, a condoleer nan, pero su tras a informa nan di e reglanan nobo di protocol, den cual no ta permiti mas cu 25 persona na un entiero.
Cu awa na wowo famia mester a obedece reglanan di autoridad y pocopoco a bandona e misa. Nan no a aprecia e regla aki pasobra ta importante pa despidi di nan ser stima cu a bay laga nan. Pero, Polis a splica nan cu e tin di haber cu e medidanan pa evita aglomeracion y pa tin distanciamento social.
Den e regla nobo, Gobierno ta prohibi pa tin mas cu 25 persona na cualkier momento na un entiero. Cu e regla aki, ta keda pa famia so bay despedi di e defunto y mester evita filanan pa condoleer na misa of na agencia mortuario. Ta mescos cu e tabata antes, pues di bay bek den e sistema yena di reglanan pa evita mas plamamento di e virus.
