Minister Plenipotenciario Ady Thijsen a duna un declaracion relaciona cu e audio comprometedor cu ta circula rond relaciona cu acto di malversacion/fraude cu a tuma luga den Arubahuis. Aña pasa a sali na cla e malmaneho di ex-Minister Plenipotenciario,Guillfred Besaril, na Arubahuis.
A cuminsa cu un investigacion riba loke el ahaci, pero no ta persiguie. A haya un audio comprometedor unda cu e Minister Plenipotenciario actual a informariba e situacion aki e tempo ey caba y a indica cu prome minister tabata na altura. Tambe el a vocifera cu e bom di Arubahuis lo explota.
mr. Juan ‘Ady’ Thijsen, Minister Plenipotenciario, a indica cu e situacion di Arubahuis ta uno cu e no ta tolera, un situacion cu no por. E ta haya cu no por ta mita integro y otro mita no, sea bo ta of no ta, si ta grita pa integridad Loke Guillfred Besaril a haci, e mester a move caba. E ta haya cu si mester regl’e,esey ta otro cos, pero e no por keda den e posicion.
Minister Plenipotenciario a indica cu den caso si a laga Besaril eynan, e ora si cos lo a bira pio.
El a enfatisa di no por traha cu un persona asina, un persona cu a haci fraude. Mirando e reunionnan tumando luga na Den Haag, Hulanda a haya oportunidad di cubri e siman aki tanto reunion como entrevista riba diferente topico di importancia pa Aruba. Entre otro riba e audio comprometedor di actual Minister Plenipotenciario Ady Thijsen y su punto di bista riba e fraude cu a tuma luga cu ex-minister Besaril.
El a declara: “Mi ta hay’e hopi vies, hopi lamentabel,” cu ta parti di locual cu a logra capta a pesar di a nenga di duna declaracion directamente na e media di mas grandi riba nos isla,cu ta presente na Den Haag pa cubri reunion y diferente entrevista.
Sinembargo a tuma nota cu Minister Ady Thijsen a duna su declaracion al respecto, na un camarografo presente, cu posiblemente Arubahuis mes lo a contrata pa Thijsen contesta pregunta, cu muy probablemente tabata prepara caba.
A capta momento cu Minister Thijsen a insinua den su declaracion, cu e ta lamenta e echo di e audio en cuestion y cu 24ora lo a forma parti di e acto aki, cu e mes a cualifica como castigabel. Mas aleu, el a pidi disculpa na e lider di MEP y a reafirma su confianza pleno den e integridad di Wever-Croes ayera, awe y den futuro. Un insinuacion basta serio y cu lo mester tin prueba contundente pa demostra esaki, dado caso presenta un demanda riba dicho acusacion.
Thijsen a bisa di ta lamenta hopi e lekmento di e grabacion, pasobra e ta kere den e estado di derecho den cual cosnan asina no mag di pasa, splicando cu graba un hende sin su conocemento ta un acto castigabel.
Sin embargo a confirma e validez di e contenido di e audio y a indica cu ta trata di un expresion masha bieu; algo cu e lo a bisa aña pasa, rond di e luna di april/mei. Pero na mes momento kier desmenti e audio, bisando cu e ta kere cu a edita y/of altera e zonido y tur esaki haci pa un hende cu mala fe.
Pa e articulo completo, lesa edicion di TREMPAN
