Dialuna parlamento di Aruba a trata e ley di Landsverordering Normering Topinkomens, e asina yama Evelyn Wever-Croes norm, pa loke ta e salario maximo c’un hefe di departamento, director di compania estatal, etc, lo por gana.
Lider di partido Accion21, Miguel Mansur a cuminsa na bisa cu nan ta e prome partido di oposicion cu ta na fabor di e ley aki. Pero nan a bin cu dos amienda: e prome amienda ta kita e autoridad di minister pa exonera sea un identidad of un persona di e norma.
Realmente, Accion21 kier trece e autoridad aki pa parlamento. Si un personal of ingeniero mester di un exoneracion, e compania of e entidad por bin parlamento socilicia esey, parlamento por bisa si of no, pa cual por aproba un cambio di ley.
Loke Accion21 kier, ta pa parlamento keda informa riba e decisionnan, dus purba kita politica di dje, pasobra cu den gobierno tin coalicion so. Den parlamento tur partido tin representacion, pa cual eynan ta e miho espacio pa tuma e decision ey.
Pa un relato mas amplio, lesa bo corant digital TREMPAN.
