Den fin di siman, Aruba Taekwondo Bond “ARTBO” a organisa un curso di referee na ASU pa su miembronan. Master Eric Barry ta un di e refereenan internacional cu a caba di tuma e upgrading di e reglanan nobo cu ta na vigor. ARTBO tin actualmente: Master Eric Barry, Augy Tromp y Moises Dumfries cu ta referee internacional y cu sa para den varios campeonato na Aruba.
E curso a cuminsa 11:00 di mainta te cu 3:45 di atardi. Master Eric Barry a presenta tur e materia via e screen. Presidente di ARTBO, Moises Fernandez a hiba palabra tocante e curso duna pa Master Eric Barry y a bisa cu otro luna lo bay den practica cu e atletanan.
Presidente a menciona cu ARTBO ta bay tin un curso na luna di juli cu un Grand Master den taekwondo cu ta bay bin Aruba pa Poomsea y referee pa nos.
Monica Pimentel a participa den campeonato internacional unda cu e reglanan nobo a wordo uza y a comenta cu nan ta train tur dia pa asina e atletanan sa e reglanan nobo.
