Diasabra marduga, pa mas of menos 2’or y 15, a sosode un accidente na e T-kruising net p’abao di Pacifico Restaurant na Paradera. Ta trata di un Nissan Infiniti color shinishi, cu a subi caminda principal direccion Piedra Plat, mientras cu un KIA color blanco tabata biniendo abao for di p’ariba.
E chauffeur di e KIA blanco a brake mesora, pero lamentablemente no por a evita e impacto y a dal basta duro den e banda robes parti patras di e Infiniti. Tur dos auto a haya basta sla, pero afortunadamente no tabata tin ningun hende herida.
