Diasabra marduga banda di 4’or y mei, nos fotografo a topa cu un Toyota Yaris blanco riba e caminda di Tanki Leendert mita riba caminda para banda di un palo di luz cu tabata saca chispa di candela. 

A resulta cu e chauffeur biniendo di p’ariba, pa motibonan desconoci a baha for di caminda na haltura di e Joyeria Bachue, y dal un palo di luz kibra, consecuentemente cu tur e wayanan di coriente a bin abou y cu na e siguiente palo di luz tabata saca chispa di candela. Algun persona cu tabata na Centro di Bario Tanki Leendert cu a scucha e desordo di e impacto, a core bin pa wak si nan por yuda.

Nan a yama Polis pa informa nan di e incidente. Mientras cu tabata warda riba Polis, e chauffeur di e Toyota Yaris blanco a purba di start e auto y pa e core bay. Debi na e slanan riba e auto, e chauffeur no a logra den su intento. Na e sitio polis a compila su informacion, a pone e chauffeur supla, cual a sali negativo. A detene e chauffeur un banda door di core bao di influencia di alcohol. A yama personal di Elmar y tambe takelwagen pa presenta na e sitio.

Comments

comments