Diabierna, rond di 12:00pm, a tuma luga un accidente rib’e caminda di Hato, net prome cu e rotonde di Aruba Bank.
Ta trata di un auto, Toyota Yaris A-31315 di color shinishi, a ranca un palo di luz completo. Motibo di e accidente no ta conoci. No sa si e chauffeur lo tabata bou di influencia di alcohol of otro substancia ilegal.
Personal di NV Elmar y Polis rapidamente a yega n’e sitio p’asina tuma e trabounan necesario por cuminsa. Notabel ta cu no tabata tin marca di brake riba e caminda, cual por ta indicacion cu velocidad halto lo a hunga un rol den e accidente aki.
Por a tuma nota cu a e chauffeur ainda tabata den auto y tabata na tino ora cu e agente policial a acerc’e pa evalua su estado di salud, si e tabata herida y si e tabata tin mester di asistencia medico.
A acerca e hoben chauffeur pa check cu ne si e lo tabata kier a duna declaracion, pero el a pidi pa no grab’e cual a respeta su peticion tambe.
