Diahuebs atardi, den careda di 2:50PM ta hay ainformacion di un accidente serio na Zeerovers Savaneta. Akinan ta bin topa cu un auto y brommer y tres persona herida.
Polis mesora a pidi presencia di ambulance mirando cu tin diferente victima herida na sitio. Ta trata di un Hyundai Accent cu segun por a compronde, a yega na e T-kruising , no a duna preferencia y a sali dilanti di e brommer cu tabata acercando e crusada. E impacto tabata inevitable y basta fuerte.
Tanto chauffeur di e Hyundai como e motociclista a resulta herida como tambe un ocupante mas. En total a indica cu tin tres persona herida. a transporta tur herido pa atencion medico na Hospital.
Segun a compronde tambe un di e partidonan envolvi den e accidente lo tabata trata di un miembro di Marina Real y como tal mester a yama Koninklijke Marechaussee pa bin atende cu e miembro en cuestion.
