Diasabra mainta a sosode un accidente riba e caminda di Saliña Cerca, banda di Noord Supermarket. Patruya di Noord a wordo manda na e sitio y na momento cu nan a yega, nan a topa cu un Honda Fit cu basta sla na e parti patras. E manehado femenino tabata keha di dolornan na cabes. E tabata bay direccion nort, pasa di 7’or, direccion Tierra del Sol y banda di Noord Supermarket na Saliña Cerca, el a perde control di stuur. El a baha caminda na su man drechi y den e proceso, el a baha y dal den algo di beton y tambe den un troncon di un mata di kwihi. E auto a sufri hopi daño patras y tambe ora cu el a pasa riba e pida Beton, tambe el a kibra parti abao di e auto y a saca tur e azeta di e motor. Tin basta daño cu a tuma luga riba e auto. Ambulance a presenta na e sitio. Paramediconan a atende cu e dama chauffeur y a bay cun’e hospital pa checkeo. E auto mester a wordo movi despues cu takelwagen. Polis di trafico y forensys a wordo notifica pa bin atende cu e situacion cu a sosode. E caminda tabata muha y e chauffeur a admiti cu el a bin poco duro.
