Manera cu nos a informa caba mas trempan, awe diasabra pa 4:00pm, un total di 3 homber di habla Spaño, sin cara tapa, a comete un atraco arma na Plug & Play Electronics. Patrouille a jega na e sitio y eynan a ser informa cu 3 hende homber habla spanjo a drenta e lugar y un di nan a saka una arma di candela.
Di acuerdo cu e version di Polis, e sospechosonan a bay cu mas o menos Afl. 4000,- y entre 20 pa 30 celular nobo.
Segun testigonan na e sitio, e atracadonan a huy riba un scooter direccion zuid. Un rato despues patruya di Polis a bin topa cu e scooter na un cas bandona. A coy e scooter den beslag pa mas investigacion. Atraco Team a presenta na e sitio, tambe BFTO y slachtofferhulp.
Polis ta pidi si cualkier persona por a mira algo pa yama e tiplijn di Polis cu ta 11141.
