Recientemente a drenta informe di parti di e directiva di sindicato SIWA cu ta bisa cu e caso cu nan a entama contra WEB pa retencion di e 12.6% di salario y beneficio secundario no lo tuma luga awe mas. Esaki debi cu e abogado representante di WEB lo ta sufriendo di un kebrante di salud. Pues ta e bufete a manda pidi pa pospone esaki y corte den prome instancia Aruba a bay di acuerdo cu dicho peticion. A pidi un extension corto di dos siman.
Den esaki a splica cu e abogado mr. E.H.J. Martis ta envolvi cu e caso aki y a tuma un parti di defensa completamente p’e mes, pues su presencia den e tratamento di e caso ta di suma importancia pa e cliente di WEB.
Te cu awo no a anuncia un otro fecha pa esaki. SIWA kier informa si cu asina cu ricibi esaki lo comunica esaki cu tur su miembronan debidamente.
