Fin di aña ta acercando y ya Aruba henter ta preparando pa celebra e aña cu a pasa y yama bonbini na 2022. Manera ta custumber y parti di nos cultura, preparacion pa Festival di Dande ta andando tambe.
E aña aki lo celebra e di 48 aña di Festival di Dande, cu lo bay tuma luga na Centro di Bario Tanki Leendert. Segun Harry y Jessica Croes, kende ta encarga cu e festival grandioso aki a splica cu ya inscripcion pa esaki a habri for di dialuna anochi.
Por haya e link aki riba e pagina di Facebook Fundacion Cultural di Festivalnan Folklorico. A haci un cambio e aña aki den cual lo permiti solamente tres cantante di Dande pa cada agrupacion. Esaki ta debi na e cambio di orario, mester caba pa 1:00 am, pues no por tin hopi participante debi na e medidanan di COVID-19. Tur esaki lo culmina dia 27 di december na Centro di Bario Tanki Leendert pa 6:00 pm y lo termina pa 1:00 am.
Pa cobertura mas amplio lesa edicion di TREMPAN mañan.
