Un rato pasa a drenta e tristo noticia na nos redaccion cu e conocido abogado, mr. Ruud Offringa, a bay sosega. Ruud tabata un abogado masha respeta y reconoci pa su coleganan.
Den pasado e tabata socio den e bufete di abogado Hese, Offringa & Oomen. Despues e tabata socio cu abogado Rudi Oomen bou di e nomber di Oomen & Offringa. El a conclui su carera trahando independiente.
Ruud Offringa ta laga atras su casa Esther y su yiunan Sarah-Quita y Quincy. Esther a traha hopi aña pa corte, entre otro como tolk. Su yiu Sarah-Quita a titula campeon mundial na varios ocacion den e deporte di windsurfing.
Headlines Group, cas editorial di 24ora.com y Trempan ta extende palabranan di nos mas profundo condolencia na famia, amigonan y coleganan di abogado Ruud Offringa. Paz na su restonan.
