Awe marduga alrededor di 1:50 am varios persona indocumenta a subi tera. Tabata un accion grandi di polis cu a conduci na nuebe detencion. Mas despues e helicopter di polis hunto cu wardacosta a intercepta e boto y detene e capitan, di cual hasta a los tiro riba e boto.
Sinembargo, polis tabata na altura cu tabatin mas persona scondi den e mondinan di Sero Colorado. Pero a busca y no a topa cu nan. Awe tardi, alrededor di 4:10 pm polis a topa cu tres persona sospecha di ta indocumenta riba nos isla. Ta na e condominium den construccion cerca di Rodgers Beach. Ta sospecha cu nan tambe a yega Aruba den oranan di marduga riba e boto.
A topa cu dos hende homber y un hende muhe. Tur tres a tabata den e grupo cu a drenta den oranan di marduga. Si nan tambe a bin abordo di e boto, e ora tin diesdos persona deteni pendiente e proceso di deportacion y e capitan di e boto cu a gar’e tres miya pazuid di Aruba.
