Diamars anochi a tuma luga un presentacion na Universidad di Aruba relacion c’un investigacion cu ta haciendo relaciona cu comportacion di hende pa cu cambio di clima den pasado.
Harold Kelly ta forma parti di e ekipo investigado, el a conta cu e tin tres aña ta investiga a base di wak den pasado y purba saca afo con e tempo ey a adapta na cambio di clima y mira kico nos por siña di esey.
Ta mira henter e parti di bida, den pasado y con e tin influencia. No solamente e parti di clima sino cu e yegada di e Europeonan cu a uza e isla cu otro perspectiva.
Kelly a conta cu e programa tin como cinco sub grupo cu ta enfoca riba investigacion, for di e parti di pasado pero hasta den legislacion tambe.
Dr. Francio Guadeloup ta na cabes di e programa Island(er) at the Helm, el a conta cu bo tin cu mira e cultura di pasado, presente y futuro p’asina tin un miho bista riba e retonan di cambio di clima cu Aruba ta enfrenta. E ta un estudio cu ta consisti di diesun investigado, tur riba nan propio tereno. Pero hunto tin mesun meta, pa mira e comportacion di e pueblo riba cambio di clima. Sea cu ta ignor’e, adapta na dje of ta purba compronde. Por ehempel den fin di siman, a mira y comproba cu e pueblo fiesta hunto, por ehempel den un parada di carnaval.
Awo, parandia hunto pero ta habri pa atende cu e tema di cambio di clima hunto tambe?
