Masha desagradabel ora yega pia di trabou y tuma nota cu tin algo robes andando.
Esaki ta e caso awe mainta na Mrs Minute situa na Oude Schoolstraat na Playa caminda cu malechornan a haci nan fechoria den ora di marduga. No ta sigur si ta dialuna anochi of durante fin di siman. Aunke ta poco straño cu nan ta haya oportunidad mirando cu ta trata orario di TDQ, pero asina mes nan a logra causa destruccion y comete acto di ladronicia na establecimentonan den area.
Na yegada awe mainta, a sinti cu e luznan no tabata funciona optimalmente. A bay tira un bista unda e fayo ta sinta y a bin encontra e kashi di coriente kibra y faltando algun breaker. Mesora a tuma contacto cu polis cu a presenta y tuma datos riba e sucedido.
