Prome vacunanan na caminda pa Aruba


Riba e site di e aerolinea Hulandes KLM por a mira imagennan di e memento cu a pone e prome carga di e vacuna Phizer abordo di e vuelo cu a sali rumbo na Aruba.Manera minister di Salud Dangui Oduber a anuncia den fin di siman, ta trata di mas cu 11 mil vacuna cu Hulanda a manda pa Aruba cu lo sirbi pa vacuna un poco mas cu 5000 persona. E vacuna Phizer ta encera dos dosis pa cada persona y cu tin un efectividad di 95%.

KLM a informa riba nan website cu esaki ta e prome di e diferente transportenan cu nan lo haci di e vacuna Anti-Covid-19. Despues di Aruba, ta sigui cu e dosisnan pa e diferente otro islanan. Awe den oranan di atardi lo por mira probablemente e procedura na yegada di e vacunananaki.
Potretnan ta cortesia di: KLM. SkyTeam