Den oranan di anochi a manda Polis den direccion di Sero Janchi. A drenta informacion cu tin un persona cu a bira malo. A manda ambulance y Polis. Na yegada e topa un persona naci na 1966. E no tabata reacciona.
A avisa dokter y recherche mirando cierto circumstancia na e sitio. Dokter a yega y a constata morto. A menciona di un morto natural. Asina mes recherche a pidi pa manda departamento tecnico tambe pa asina haci algun trabou tecnico. Mescos a pidi slachtofferhulp pa atende cu e famia.
E edad sigur ta uno basta jong pa un morto natural. Despues di un investigacion basta largo na e cas den Sero Janchi, a mira cu no tabata necesario tuma e curpa den beslag. E curpa a ser entrega na e famia pa asina nan por a prepara cu e funeraria riba e parti di entiero.
