Diaranson atardi polis a detene un hende homber, amigo of conoce di e victima, riba sospecho di ta envolvi den e morto violento di e hoben Sarahi Sierra riba 3 di November 2017. E sospechoso ta poni den detencion y e siman aki ainda dilanti huez-comisario. Extraoficial 24ora.com a bin compronde cu e sospechoso ta cerca di e famia di e victima.
Un team especial di recherche di Cuerpo Policial di Aruba a investiga e caso aki na forma intensivo y riba escala grandi, bao guia di Ministerio Publico. E resultadonan di e investigacion aki a hiba finalmente pa detencion di e sospechoso.
E mama di e victima a bati alarma pero na yegada di Ambulance no por a haci nada. Testigonan e dia ey a papia di un caso cruel. Dr. Giel a constata morto di e hoben, kende a bay laga un yiu homber chikito atras.
E victima ta masha conoci y su asesinato a causa masha dolor, no solamente cerca famia, pero tambe cerca su amiganan.
