Awe pa mas o menos 4:45pm, riba un vuelo di Air Ambulance, a transporta Ruben “Scorpio” Garcia cu urgencia pa Colombia. Specialista Dr. Casper Lacle, kende ta atendiendo e pashent, a haya necesario pa mand’e urgente pa ricibi tratamento special na Bucaramanga. Su señora, Theresa, a compañe den e biahe aki.
Desde dialuna Ruben Garcia tabatin dolor den pecho. Sinembargo diamars merdia e dolornan a intensifica y anochi, cu ambulance a transporte di su cas pa Hospital. Ey Dokternan a atende mesora y a bin saca afor cu el a sufri un ataca di curason. A intern’e den Cardiac Care Unit (CCU) na Hospital den condicion stabiel pero delicado.
