Diabierna anochi pa 8:45 a pidi asistencia di polis na Citgo Paradera pa un ladronicia di bateria. Na yegada di polis, e persona cu a yama, a bisa e agentenan policial di sa ken a bay cu e bateria.
E persona a mustra polis ken ta esnan cu a horta e bateria. Polis a para e auto marca Chevrolet Aveo color blanco y a bay over na detene dos persona. Di biaha a pidi presencia di transportwagen pa hiba e dos personanan warda di polis.
E agentenan a sigui controla e auto y a bin nota cu tin diferente plachi number riba e auto y su papelnan no ta na ordo. A confisca e auto y pidi presencia di Takelwagen na e sitio pa transporta e auto pa warda di polis.
