Diabierna 9:20 pm polis a presenta na Playa den e area di Kini Kini building unda cu un señora tabata basta rabia.
A resulta cu un adicto ambulante conoci como Raul Albertz a laba su auto cu awa sushi y rasca e señora su auto nobo nobo. Ta trata di un jeep color blauw scur nr A-76777. Polis a bisa cu nan no por haci mucho debi cu e ta un adicto ambulante. Pero cu si polis wak’e lo papia cu ne.
Problema di adictonan ambulante den y rond a bira mas notable ultimo tempo. No ta prome biaha cu algo asina ta sosode. Hasta un ciudadano a yega di bisa di lo demanda gobierno como esun responsabel pa soluciona e problema social aki cu ta trece consecuencia pa otro ciudadanonan.
