Polis a detene e sospechoso di inicial J.K. despues di un investigacion andando contra dje. Turistanan a denuncia cu e homber aki, bou menasa, tabata obliga nan pa saca placa pe na mashin di ATM. Despues di e denuncia, e investigacion a sigui dor di recherchenan di e districto di Noord, cu a conclui e caso awe cu detencion di e sospechoso.
Polisnan a logra acumula hopi informacion y detayenan di e caso, cu a conduci na pruebanan necesario pa Fiscal di Ministerio Publico duna ordo di detencion. Diaranson mainta e recherchenan a topa cu J.K. den Caya Boes Orman y a detene na e sitio.
E caso mes a sosode for di 5 luna pasa caba, esta desde januari. Pero autoridad mester a traha y investiga prome cu logra yega na e detencion. E turista a denuncia cu na diferente ATM e sospechoso tabata pasa pa oblig’e saca placa.
