Diadomingo marduga, net algo pasa di 12:00am a sosode un accidente riba e caminda di Paradera direccion Bloemond. Un auto numera A-41359 a dal den un palo di luz y bay dal den un otro auto para dilanti di un cas. E chauffeur a baha for di su auto y purba bandona e sitio na pia.
Polis a topa cu ne den vecindario mes y a deten’e. E proceso no a bay facil pasobra e sospechoso a lanta cu polis. A boei e na man cu pia y consecuentemente e carg’e hinc’e den aut’i polis pa por transport’e pa ward’i polis di Santa Cruz.
Ey un sub fiscal tabata warda riba dje caba pa atende cu ne riba e dalmento di auto y purba core bay. Ta sospecha cu e homber tabata bou di influencia di un of otro substancia.