Polis di trafico a bay haci un investigacion riba un accidente cu a sosode marduga na Ponton. E chauffeur di e pickup S-10 A-18969 a dal den un negoshi kibra e entrada. Esey a sosode marduga pero Polis di trafico a bay mainta bay investiga.
Eynan a bin topa cu doño di e negoshi cu a duna basta informacion valioso na Polis. Tambe Polis a haya adrenta unda e auto ta registra cu ta Palm Beach. Djey a bin un tesigo avisa Polis kende ta esun na stuur y unda e ta traha. Polis di trafico a bay mesora na un construccion di Condominium riba Juancho Irausquin Blvd.
Eynan a bin topa cu e pickup. A cuminsa busca drechi di e chauffeur. A topa cune y a cuminsa desmenti tur cos. E no kier a reconoce e accidente di marduga na Ponton. Pa haci e cos mas facil a dicidi di confisca e pickup. Polis di trafico ta experto den saca afo si un auto ta envolvi den accidente di hit and run. Asina riba diferente evidencia ta logra afo si esey ta e vehiculo. Den un rato a mira cierto marcanan cu ta confirma e pickup. E chauffeur por nenga e momento ey pero a confisca e vehiculo tog. A bay cune riba takelwagen. E chauffeur a keda na pia pasobra marduga su pickup tabata envolvi den hit and run na Ponton.
