Mirando cu Isabel Chayadi a cumpli 65 aña y teniendo cuenta cu Carnaval tambe ta cumpliendo 65 aña, Ambiente Feliz a celebr’e den grandi cu un Jump Up. TBS Brassband a percura pa e ambiente completo.
Isabel tin ni menos di 14 aña kedando den Ambiente Feliz. E lidernan Evelina Kelly y Irma Dirksz a organisa e fiesta hunto cu e director Lucky Croes, kende a duna permiso pa haci e fiesta, hunto cu rumannan di e cliente cu tambe a coopera.
A haya donacion y a busca tambe aporte di TBS Brassband pa por a toca specialmente pa cumpleaños di Isabel. Nan no a duda ningun momento pa saca un man y regala e ciudadano special aki e hacimento di aña di su bida, cu hopi musica y alegria, hunto cu tur esunnan rond di dje cu ta stim’e y cuid’e asina tanto.
Palabra di Pabien ta bay na Isabel Chayadi cu su cumpleaños y cu nos miho deseonan pa e cumpli hopi aña mas di bida y salud.
