Diasabra den oranan laat di anochi (despues di 12:05AM), varios unidad di San Nicolas conhuntamente cu Kustserveillance a activa mes ora na momento cu un vehiculo ( acupa pa un grupo di hoben) cu lo a pensa cu tabata un bon idea di bay pasa play duro dilanti porta di warda di polis San Nicolas.
A bay pasa y purba burla / chercha polisnan di e warda aki. Information na sitio a indica cu e auto aki tabata core duro den parti habita, a pasa dilanti warda, drenta verbonden, pero pa nan mala suerte dilanti “boca di leon”.
Mes ora polis a bay pa nan. Ora prome unidad a presenta y para nan, nan a cuminsa lanta cu polis pero demas unidad a yega pa versterk coleganan na sitio. A detene un hende homber cu ta basta altera y tabata mustra di tabata bou influencia. E cabayero a purba risisti pa drenta auto di transporte. Tabata grita tambe cu el a yega di bay cera caba den kia pa 30 dia.
Pa awe nochi el a haya un caminda pa fria y trankilisa mientras ta haya chens di recapacita riba locual a pasa.
