Diarason 8 di jüly banda di 11 :00 Wardacosta na Aruba, despues di a ricibí un yamada di Rescue & Coordination Center (RCC) a interceptá un boto. E ta un boto cu ta pisca regularmente y cu tur ora Kustwacht sa controla y tin su documentonan na ordo. Mas of menos un miya nautico di haf di Barcadera a pidi e boto drenta waf biniendo for di pesca.
Ta trata di e boto local “Awacati cu registracion A-2513. Tabata tin dos piscador abordo. Pa listra full e boto a dicidí pa compañá e boto pa Barcadera. Atrobe den listramento Kustwacht a yama Douane pa pasa cacho y yama DVG pa controla. Despues di a hasi e investigacion nesesario abordo di e boto atrobe no a haya nada contra ley. Solamente tabata tin un piscador no local bibando na Aruba cu tabata tin un papel di asilo y tambe a bay pisca.
Dos biaha anterior mesun Kustwacht a para e boto y nunca a detene e mesun persona abordo. Solamente tabata controla e papel di asilo y controla e boto cu tin tur su documentonan na ordo. Dor cu e papel di asilo tabata falta un stempel pa motibo di COVID y DIMAS tabata cera, a bay cu e persona y hibe pa Guarda Nos Costa. Abogado a wordo avisa di e caso aki. Mientrastanto Kustwacht ta focus riba tiradornan di pisca y tambe riba botonan local cu ta pisca. Mientras cu ta focus riba piscadornan local, na Arashi y via Parke Arikok botonan ta sigui drenta. E persona cu a ser haya riba e boto Awacati awor ta den proceso pa wak si por haya su libertad bek cu e documento di Asilo y stempel pendiente su salida bek pa su pais.
Kustwacht ta invertiendo hopi energia cu Drone, Avion, Cutter, Helicopter, Fragata, Metalshark etc pero keto bay botonan ta keda yega tera y baha hende sin wordo detecta na Arashi y Parke Arikok. Hefenan na Aruba parce ta birando cara pa tur e botonan cu ta drenta marduga. Kizas cu droga y arma tambe. E unico diferencia cu Aruba ta cu na Curacao ta mira cu regularmente Kustwacht ta gara boto cu arma, droga y ilegal. Na Aruba nan no sa mes cu e boto ta drenta.
