Aruba a conoce un partido politico nobo. Un grupo di hoben a dicidi di lanta un partido politico y esaki a pasa siman pasa na notario y awe a mira e dia cu oficialmente a introduci esaki pa pueblo di Aruba. Tin hopi movecion politico ta tumando luga y HTC a bira nomber di e partido.
Ken ta HTC
Durante un conferencia di prensa, a anuncia cu Hubentud Treciendo Cambio a bira oficial dia 23 di juli, 2020. Ta un partido nobo, fresco y hoben, cual ta haci esaki completamente boluntario y di curason. Hubentud awor aki mester di representacion y awo partido HTC ta haci esaki di curason y kier para pa e gerenciacion aki y nos futuro. E hobennan merece un oportunidad.
Abo como hoben, incluyendo tur e muchanan di Aruba, como ciudadano, como pueblo, mester cuminsa pone pia abao y demostra cu boso tin voz. Esaki tabata un decision dificil pa e hobennan aki pa asina dal e paso importante aki pa asina tuma e rumbo corecto pa Aruba y naturalmente pa ricibi e confiansa di pueblo.
A eligi Gilbert Webb como lider
Dia 24 di juli, 2020, directiva di e partido mester a elegi un lider di e partido y den e caso aki, nan a yega na un decision y eligi Gilbert Webb como lider di e partido. Gilbert Webb no ta un persona desconoci na Aruba y sigur lo sa di lidera e partido aki.
Henter hubentud y pueblo completo awo tin un voz. Vooral nos muchanan, cu actualmente ta sufri, mester di un yudansa y percura pa mañan nan ta sigui cu e lucha pa asina nos pais por bay dilanti. Den e temponan nos dilanti HTC ta mira su pasonan como uno positivo y firme.
