Diasabra alrededor di 10’or di mainta a yama pa intermediacion di Polis den Caya St. Kitts na San Nicolas. Doño di un bicicleta horta a bin topa cu su bais y ora el a reclama e homber, el a cobra 10 florin pa e debolbe. Ta resulta cu e homber a “cumpra” e bais y no kier perde su inversion. Obviamente e doño di e bicicleta no a keda contento y bisiñanan tabata teme cu e situacion por a bay for di man.
Polis a hala su atencion y a mustr’e riba su responsabilidad tambe, pasobra no ta existi cumpra un bicicleta pa 10 florin y cu facilmente e tambe por haye den problema cu husticia pa “heling”. No a keda e homber nada otro cu entrega e bicicleta bek na su doño y Polis a consehe pa e bay na esun cu a bende e bais y exigi’e su placa bek.
