Diaranson mainta trempan banda di 5:30 am, polis a topa cu un auto marca Nissan modelo March pega den mondi na Sero Colorado, den e bocht skerpi net prome cu e parada di bus. E March color cora numera A-72028 tabata pega den mondi dorna cu tuna y hubada. Ta pa casualidad polis di districto San Nicolas a topa cu e auto aki. No tabatin ningun persona pa identifica como doño di e auto, cu tabata pa su cuenta, sin doño pero si cu plach’i number. Mas den laat personal di Forensys tambe a presenta pa documenta e accidente.
