Dos sospechoso deteni diabierna marduga, awo ta sospechoso tambe di ta envolvi den un caso di kiebro na Chill Cafe, algun shen meter leu for di Surfside Beach Bar, unda a detene nan tambe sospecha di a comete kiebro. Awe den oranan di mainta na momento cu un comerciante a yega su negoshi, el a bin descubri cu el a haya e bishita indesea di ladronnan.
Nan a kibra “rolluik” pa drenta e negoshi. No ta sigur ki ora exactamente a sosode, pero loke el a constata cu e ladronnan a plunder e negoshi. Nan a bay cu placa cash, mas o menos 500 florin for di caha di placa, pero tambe nan a bay cu un cantidad grandi di bebida alcoholico balora na mas cu 2500 florin.
Mesora cu e comerciante aki a haci e denuncia, e sospecho a cay riba e dos hombernan deteni den oranan di awe madruga banda di Linear Park. E patruya a detene nan e momento ey como sospechoso di a kibra drenta den Surfside Beach Bar, unda cu ey tambe a destrui “rolluik”. A haya nan cu paki di sigaria den nan poder.