Despues cu algun siman atras varios famia di Aruba a sali pa Boneiro pa celebra hacimento di aña di nan ser keri, e habitante mas grandi na e isla di flamingo, e siman aki a drenta e noticia tristo cu Mona Pourier a fayece na edad di 106 aña. Mona ta biba na Rincon, pero a pasa su ultimo añanan di su bida na Ka’i Mimina, Tera Kòrá.
Mona Pourier ta e di dos habitante di Rincon riba 100 aña cu ta fayece den un periodo di dos siman. Awor aki Rincon tin un persona mas riba 100 aña, kende ta Papito Anthony.
Awo, despues di morto di Mona, e Boneriano di mas edad ta Bernardo Statie, cu ta bibando na Aruba. Aki e ta e hende homber di edad mas halto. E habitante mas grandi ta un hende muhe. Ta bon pa menciona cu Bernardo Statie ta bin di un famia cu ta biba largo, su ruman muhe, Seferina Cicilia-Statie, biba na Antriol, tin 101 aña di edad.
Condolencia na famia Pourier cu e perdida aki.
