Dialuna merdia a sosode un accidente basta fuerte entre un auto y un brommer den Tanki Leendert. Un motociclista a sali di Citgo Tanki Leendert y despues di bin ariba a lora den e caminda pabou di Digicel TL bay zuid.
E caminda ey ta sali riba e caminda principal di Tanki Leendert direccion Playa. E ta hanchi cu algun birada. Den e caminda e motociclista a bay dal den un auto di direccion contrario. E impacto tabata fuerte. E motoclista a dal bay cay canto di caminda cu sla na cabez y pia. Algun hende a core yuda y bati alarma. Ora Polis a yega a pidi ambulance cu urgencia. Paramediconan a sali mesora cu e victima.
A cuminsa investigacion na e sitio. Cuerpo Tecnico y Polis di trafico a hasi e investigacion. A busca drechi di e famia pa avisa cu nan ser keri ta envolvi den un accidente. Takelwagen a hala e vehiculonan for di caminda. Slachtofferhulp tambe a ser avisa pa atende cu e famia. Aunke e tabata na tino, tog ta considera e motociclista uno basta grave.
