45 persona a participa na e sesion informativo riba impuesto di IDEA

Diahuebs mainta Departamento di Impuesto tabata na IDEA. Segun directora di e departamento, Luenne Pieters,  aña pasa tabata tin un tayer di informacion di diferente tipo di impuesto, manera Inkomstenbelasting, Winstbelasting, BBO, pa negoshantenan cu ta bay cuminsa cu nan negoshi.

A acerca DIMP pa coopera cu Economische Zaken. Tabata tin un acogida masha grandi mes. Tin di compronde cu den dos ora di tempo e tayer a yena di biaha cu 45 participante. Ta bay haci’e den dos tanda, segun Pieters. E prome tanda diahuebs mainta y e di dos tanda lo tuma luga dia 2 di september.

Tin tres ambtenaar di e departamento, cu ta dunando e tayer den detaye, caminda cu a yuda e comerciante cu ta cuminsa cu su negoshi, cu informacion di impuesto: kico ta e impuestonan cu nan lo mester bay tene cuenta cun’e, kico ta e deadline cu nos conoce den ley, e boetnan, e naheffingsaanslagen, dicon ta pone cobransa adicional, dicon tin boetnan cu ta wordo poni, p’asina nan por tene cuenta cu nan responsabilidad fiscal.

45 persona a participa na e sesion informativo riba impuesto di IDEA

45 persona a participa na e sesion informativo riba impuesto di IDEA. Click link pa mas https://24ora.tv/2KW5n0w

Posted by 24ora on Thursday, August 22, 2019

Departamento di Impuesto ta duna mas informacion cu normal, teniendo cuenta cu ta asumi e responsabilidad como departamento caminda cu tin cu duna informacion.

DIMP t’ey pa garantisa cobransa di impuesto, pero nan t’ey tambe pa facilita e cliente, e contribuyente pa nan por cumpli cu nan debernan fiscal. Ta algo cu ta haya hopi importante pa ta cerca di e contribuyente, di e cliente, brindando informacion, p’asina ey nan ta bon ekipa ora cu nan ta bay cuminsa cu un negoshi y pa nan por tene cuenta cu e impuestonan cu nan tin cu bay paga den futuro.

Interes

Pieters a splica cu por mira cu comerciantenan ta pensa riba nan mesun negoshi. Tabata tin diferente pregunta interesante, caminda cu nan ta mira cu na Aruba, pa bo tin un negoshi chikito, bo tin cu tene cuenta cu diferente tipo di cos. Si bo ta bay huur un edificio, si bo ta bay cumpra e edificio bo mes, si bo ta bay cumpra un auto pa bo negoshi, ki tipo di negoshi bo ta bay cuminsa, den ki forma.

Tabata tin pregunta tocante BBO den e prijs of BBO riba e factura. Na mesun momento a haya pregunta den sala caminda cu e comerciantenan ta consciente cu nan mester ta un tiki mas creativo, ora ta trata negoshi y haci negoshi na Aruba, mirando cu tin hopi cos a cambia. Tin hopi cos cu ta cumpra online, manera sapato, paña, etc., esta e competencia cu negoshinan online, manera Amazon, JC Penny cu ta bende nan productonan online.

Aki a cuminsa cu un discusion interesante, caminda cu ta indica e manera con pa haci negoshi. Por ta por duna posibilidad na e consumidor pa ordo cosnan online, via bo negoshi of di un otro manera.

E mainta tabata hopi balansa cu topiconan di impuesto, pero tambe topiconan hopi practico con pa haci negoshi na Aruba, con ta e miho manera pa haci’e. Con DIMP por yuda un negoshante cu informacion, pero tambe si acaso e haya su mes den un situacion cu el a haya cobransanan adicional, pasobra cu e tabata laat cu su aangifte, cu e no mester tene miedo di acerca y splica e situacion, pa asina yuda sanea e situacion.

Departamento di Impuesto no t’ey pa cera ningun negoshi, pero nan t’ey pa yuda e comerciantenan, Pieters a bisa.

Judella Trim ta un policy business advisor na IDEA, y a comenta cu door cu nan ta un unidad, pa guia hendenan cu kier lanta un negoshi chikito of mediano riba e pasonan cu nan tin cu tuma prome cu kier habri un negoshi. Hopi biaha ta bin e pregunta riba belasting.

Aña pasa a organisa caba cu DIMP e tayer aki di impuesto, cu ta hopi pidi. A haci’e dos biaha, mirando cu e demanda tabata asina grandi. Asina a dicidi di haci’e e aña aki tambe. E intencion ta pa haci’e tur aña pa esnan cu tin negoshi caba of tin pensa di habri uno y tambe pa e entrepreneurnan.

Trim a splica cu e interes tabata hopi grandi. A pone e evento aki riba Facebook y den dos ora e evento aki a yena. Tabata tin 45 hende y a lag’e te ey, pasobra nan sala no por a carga mas cu esey.

Mas sesion

Di parti di IDEA, mirando cu ta den dos ora e tayer a yena, a palabra di biaha cu DIMP pa nan ripiti e tayer aki. Na cuminsamento di september ta bay tin un sesion mas, pa e mesun cantidad di hende. Mirando cu e sala no ta dje grandi ey, ta limita. Ta bay bolbe pone riba Facebook y mester ta hopi lihe. Esun cu reacciona prome, por considera cu e ta den e tayer.

Pa por ta pendiente di e sesion aki ta Idea-Aruba riba Facebook. Like e pagina y eynan por mira tur actividad cu Idea tin.

Comments

comments