E cuestion di pasa un vergunning di taxi di un taxista pa un miembro di famia, no ta un negoshi. Segun Linda Orman, kende ta forma parti di task force di taxi, minister ta esun cu ta firma. Si pase pa un famia, e famia ta cualifica pa tur e rekisitonan cu tin poni den ley, e minister ta wak cu e persona ta cualifica, tur su papelnan ta na ordo, etc., e ta firm’e.Cu e tabata tin negoshi, e lo a haci negoshi. Pero e no ta zomaar asina, segun Orman.
Minister en todo caso, semper ta firma na final. E taxistanan ta keda bao di e landsverordening. Manera cu e minister menciona negoshi, ta bay puntr’e si esaki ta un negoshi.
E taxistanan ta yena nan papel, e vergunning ta pidi pa pase pa un famia of un persona mas yega na famia y esey tabata wordo firma.
E cambio cu minister a haci ta cu tur peticion cu drenta aden, ta wordo nenga. Ni famia no tin derecho. Tur peticion ta wordo nenga, e ora e ta dicidi si e ta firm’e si of no.
Awor aki e ta bek manera semper e tabata.
E dos Mbnan cu a wordo saca, a wordo hala aden. Awor aki nan ta bek bao di e landsverordening, segun Orman.
Tarifa di taxi
Orman a splica cu e tarifa ta den proceso y ta cerca sr. Ketteldijk. E ta pasando door di dje y den algun siman e lo bay sak’e. Si tin algo cu e mester ahusta, e lo yama bek. Pero voor de rest, aki paar di siman e lo wordo ahusta.
Antes tarifanan tabata wordo haci y no ta tur taxista ta haya input riba dje. Ta un trabao basta grandi. Tur ta traha den dje y tur sa, cu dia pa dia, cual ta e tarifanan cu mester subi, cua ta fout, cua mester wordo ahusta etc. Ketteldijk tin cu bay yama e gruponan bek pa haci su remarkenan y pa e gruponan duna nan input den dje.
Una bes cu esaki keda cla, esaki lo bay segun aña fiscal, per 1 di Januari. Mas tanto e lo ta menos trabao pa belasting, pasobra trahamento di papel, verrekening, etc. e no ta haci un impacto grandi riba e caha di Gobierno pa kit’e. Pa e taxistanan nunca a cobr’e. Nan tin nan prijsnan vast. E no ta haci un efecto mucho riba nan. Aunke tin biaha nan ta haya extra cos pa paga si.
Acuerdo cu minister
E minister actual di transporte, a anuncia e ahuste aki caba, awo nan tin cu ehecut’e. Si e Gobierno aki no ehecut’e, e proximo Gobierno bin, tambe ta haci’e. Di un manera of otro, ta algo cu no ta perhudicante. E ta algo cu ta yuda.
