E 2 weekendnan cu ta tras di lomba, a tuma lugar e tercer edicion di nos Campeonato Nacional.
E 10 participantenan pa e Campeonato Nacional cu a wordo selecta a base di invitacion ta:
Jose (Chelo) Pesqueira, Octavio Croes, Angelo Franken, Brian Diaz, Hubert (Randy) Tromp, Enrique Jacopucci, Daniel E. Diaz, Ethan Croeze, Ilya Stetsenko y Alvin Howell.
Na promer lugar tawata tin un empate entre e hoben Brian Diaz y Jose (Chelo) Pesqueira.
Na tur 2 a termina cu 6½ punto for di 9 partido.
Brian tawata tin mas punto di SB y a keda na promer lugar. Brian a bira e tercer Campeon Nacional y lo haja e titulo di Nacional Master di Aruba.
Segundo lugar a bay pa Jose (Chelo) Pesqueira.
Na di 3 lugar, tambe tawata tin un empate entre Hubert (Randy) Tromp y Octavio Croes.
Nan tur 2, a termina cu 6 punto for di 9. Randy a keda na di 3 lugar door cu e tin mas punto SB.
E weganan a wordo hunga den APFA Building na Seroe Blanco.
Federacion di ahedres di Aruba ta gradici e director di APFA, pa pone e cantine di APFA disponible pa nos por a tene nos Campeonato Nacional den un ambiente diferente y mas espacioso. Federacion di ahedres a duna e director di APFA un recuerdo pa por a usa nan localidad pa tene e evenemento aki.
Nos kier a gradici ademas nos otro sponsorsnan Blue Lotus Holding, Comision di Subsidio y Lotto pa Deporte cu a financia e Campeonato Nacional aki.
Diahuebs awor, lo sigui nos torneo di diahuebs anochi regularmente pa 8:00pm.
Diahuebs awor, e penultimo rond di Torneo di Pasco Grandi lo wordo hunga.
