Peaton gedal pa auto intencionalmente na Tanki Leendert

0
580

Diasabra atardi a sosode un caso serio na Tanki Leendert. Polis a haya yamada na prome instante cu auto a dal un mucha y core bay. Ora cu Polis Tabata yegando a tende cu ta un homber auto a dal y e ta canando direccion pabou cu heridanan serio y sangrando. Na yegada Polis a tapa cu e homber poco pabou di Glens Take Away. E Tabata benta canto di caminda. No a topa cu ningun auto. Polis a tende si cu ta un Nissan Sentra parce color cora cu tres homber aden a comete e acto. Mirando e situacion a pidi pa recherche. Tambe cuerpo tecnico di  Polis a wordo avisa. Na yegada di Cuerpo Tecnico a probecha pa tuma suficiente imagen di e area y recohe partinan di e victima cu a keda benta rond. Tur esaki a keda confisca. Awor Recherche tambe ta acumulando informacion y buscando imagennan di seguridad den e area pa asina logra yega na esnan cu Tabata cu e auto. E persona herida no conoce of por a mira kendenan a comete e caso aki contra dje. E ta herida y esey caba ta motibo pa esnan cu a comete aki a stop pa duna yudanza. Loke nan a comete y huy ta un intent di asesinato. Tin castigo pisa riba algo asina.

Wendys
Banco di Caribe
WEB

Comments

comments